Ábyrg þjónusta við landsmenn sl. 10 ár.

Uppsetningar á gardínum

Nokkur góð ráð við uppsetningu á rúllugardínum frá okkur.

utskyringarmyndii_uppsetnin

Uppsetning rúllugardínur - almennt: (myrkvunargardínur og screen).

Þegar búið er að ákveða hvoru megin drifið á að vera og komið að því að þrýsta því inn í rörið sem heldur gardínunni uppi, þá er gott að hafa eftirfarandi í huga:

1. Dragðu keðjuna í gegnum drifið þannig, að ca 10 cm af keðjunni sé frá difinu eins og það snýr rétt að sæti sínu inni í rörinu og að samsetningarstykki keðjunnar, rúðumegin. Þetta er gert til þess að samsetning keðjunnar fari ekki upp í drifið áður en gardínan er komin alveg upp, þegar híft er.

2. Þrýstu svo drifinu í og passaðu upp á að skörðin í drifinu fari á móti raufum inni í rörinu.

3. Settu svo plaststykkið í sem kemur í hinn enda rörsins og þrýstu því í botn. Ef drifið og plastið í hinum endanum eru þröng og vont að þrýsta þeim í, þá getur verið gott að halda gardínunni á lofti með vinstri og dúppa ákveðið með hendinni eða hamri á drifið og halda gardínunni á móti högginu. Ekki láta endan gardínunnar vera á gólfinu þegar þú slærð á plaststykkið. Haltu nógu fast utan um gardínuna svo að ystu hringir hennar á keflinu renni ekki til við höggið og skekkist á rörinu.

4. Þegar þú lyftir gardínunni til að smella henni í festingarnar, þá smellir þú henni í driffestinguna fyrst og síðan í hina. Gættu þess að raufarstykkið sem keðjan kemur út um sé í góðri stöðu gagnvart hífingu með keðjunni upp og niður og að keðjan rekist ekki í raufarstykkið þegar híft er eða slakað.

Hér er átt við keðjudrif og gardínur frá okkur. Annað getur átt við um gardínur frá öðrum seljendum.

© Copyright. Tjöld ehf.  Netfang fyrir stjórn síðu: gardinuval@gardinuval.is  Gsm: 7727940 *

Tenglar: Badverk.is - Standsetning á baðherbergjum - allir iðnaðarmenn sem þarf.